BAGUIO CITY – Nailukat aminen a kalsada iti masakupan ti dpwh – benguet district 2 nga immunan a nairikep gapu iti panagreggaay ti daga ken batbato nga intunda ti napigsa a tudo gapu iti habagat, bagyo a Gorio ken bagyo a Huaning.
Sigun kenni district engineer Romelda Bangasan, naan-anayen a nadalusan dagiti nasao a kalsada gapu iti tulong dagiti pribado a kontraktor.
Partikular ditoy ti Acop-Kapangan-Kibungan-Bakun Road ken dagiti amin a sections daytoy nga immunan a nairikep.
Nailukat payen ti Acupan Road, Sitio Camp 5, Virac, Itogon, Benguet kalpasan a napasaran ti mudslide sadiay.
Kabayatanna, agtultuloy met ti panangpalagip ti dpwh kadagiti amin a motorista a dumaldalyasat iti halsema highway iti panagannad dagitoy gapu pay laeng iti saan a nasayaat a sasaaden ti panawen.
