--Ads--
BAGUIO CITY – Nakemmeg ti dua a baro iti anti drug buy-bust operation nga impatungpal ti PDEA – Cordillera sadiay Barangay Salud Mitra, siudad ti Baguio idi kalman.
Nabigbig dagitoy a da Jhanile Dale Foronda, 25-anyos ken ni Rodolf Jhon Carandang, 22-anyos nga agpada a residente iti nasao a lugar.
Nakumpiskar manipud kadagiti suspek ti dua a dakkel a plastic sachet a naglaon iti napagango a marijuana stalks ken naikabil daytoy iti maysa a knapsack bag, maysa a genuine P1,000 cash ken 14 a pisado ti sag-P1,000 a boddle money.
Naiturong metten dagiti suspek sadiay PDEA – Cordillera para iti panakaiproseso ti kaso a sangwen dagitoy partikular ti panaglabsing iti RA 9165 wenno iti Comprehensive Dangerous Drugs Act of 2002.
