BAGUIO CITY – Nakemmeg ti dua a drug suspects iti agtultuloy a kampanya ti Drug Enforcement Unit ken ti PDEA Cordillera kontra iti iligal a droga ditoy siudad ti Baguio idi kalman.
Immuna a nakemmeg ni Marcelo Mata Quinto, 21, baro, maysa a vendor ken residente ti Zamora street, Baguio City.
Naala manipod iti suspek ti maysa a sachet a naglaon iti maatap a shabu ken maysa a P500 bill a naaramat kas buy bust money.
Kabayatanna, nakemmeg met iti maikadwa nga operasyon ti maysa pay a drug pusher sadiay Pacdal Circle, Baguio City.
Nabigbig daytoy a ni Arnold Tage, 45, naasawaan, ken residnte ti Ambiong, La Trinidad, Benguet.
Naala manipod iti ikot daytoy ti maysa a sachet a naglaon iti maatap a shabu, maysa a pidaso ti genuine P1000 bill ken dua a pidaso ti P1000 bill a boodle money.
