BAGUIO CITY – Agtultuloy ti imbestigasyon ti Kalinga Provincial Police Office iti nakumpiskar dagitoy a marijuana manipud iti duwa a local tourist sadiay Tinglayan, Kalinga.
Sigun kenni PSSUpt. Brent madjaco, ti dadaulo ti kalinga PPO, adadalen dagitoy nu dagiti nakompiskar a marijuana ken daan wenno baro nga stock.
Maipalagip nga kinemmeg ti drug enforcement team ti kalinga ti duwa a local tourist sadiay poblacion, tinglayan idi kalman a nabigbig a da Marco Carag, 29-anyos, maysa a dog breeder ken ni John Verzola, 25- anyos, agpada a residente ti Tuguegarao City, Cagayan.
Maibasar iti report, nakalugan dagitoy iti maysa a minibus nga agturong sadiay Tabuk City, Kalinga ken naggapo dagitoy sadiay Buscalan, Kalinga idi nakemmeg dagitoy.
Naala manipud kadakuada ti maysa a sachet a naglaon iti maatap a marijuana leaves, marijuana leaves powder, ken duwa a vial ti hashis oil.
Maipalagip nga idi napalabas a bulan ket adda metlaeng dagiti nakemmeg sadiay Sadangga Mt. Province gapu iti panagimet dagitoy iti marijuana.
