Nangipatungpal iti transport strike ti transport group a Samahang Manibela, Mananakay at Nagkaisang Terminal ng Transportasyon (MANIBELA) kagiddan iti panagngato ti presyo ti petrolyo.
Karaman kadagiti nakipaset iti nasao a strike ket dagiti nalalatak a transport network vehicle service (TNVS), UV Express drivers, motorcycle taxi riders ken truckers, no sadino nagtitiponda idiay Quezon City para iti nasao a tignay protesta.
Kidkiddawen ti nasao a grupo ti pannakaingato ti plete, panangibaba iti presyo ti lana, panangingato iti plete, ken pannakaikat ti excise taxes ken value-added tax (VAT) kadagiti produkto a petrolyo.
Impeksa pay dagiti sumagmamano a motorcycle taxi ken TNVS drivers a nagsardengda pay lang nga agbyahe kas panangsuporta iti nasao a transport strike.
Binabalawda metlaeng ti dinakamat ti Land Transportation Franchising and Regulatory Board (LTFRB) a posible a sumango iti multa dagiti drayber a makipaset iti nasao a strike.
Sigun met kenni Manibela chairperson Mar Valbuena, agarup 20,000 agingga 25,000 jeepney drivers ti nakipaset iti nasao a panggep.
