--Ads--
BAGUIO CITY – Pimmusay ti dua a minero gapu iti gas poisoning idi kalman kalpasan a simrek dagitoy iti usokda sadiay Gumatdang, Itogon, Benguet iti baet ti saan a nasayaat a sasaaden ti panawen.
Nabigbig dagitoy a da Robert Binay-an Gorteza, 28 -anyos kenni Anthony Gorteza Salas, 30-anyos; agpada a baro, tubo ti Bagulin, La Union ken agnanaed iti nasao a lugar.
Maibasar iti report, simrek dagiti dua a minero iti usok dagitoy sadiay Mill Site, Gumatdang ngem nadiskobre ti bangkayda iti ala una ti malem idi kalman.
Naamuan a pimmusay dagitoy gapu iti gas poisining.
Nakompleto ti retrieval operation iti alas singko idi malem kalman.
Inyawid metten dagiti kabagianda sadiay Gumatdang dagiti bangkay dagiti dua a minero.
