--Ads--
BAGUIO CITY- Kinemmeg dagiti operatiba ti PDEA-Baguio ken Baguio City PNP ti dua a drug personalities iti insayangkatda a drug buy-bust operation sadiay City Camp Alley, siudad ti Baguio idi kalman.
Nabigbig dagitoy a da Dominador Dagulo alias Doming, 41-anyos, residente ti Irisan, Baguio City ken ni Jesus dela Cruz, 34-anyos, residente ti Barangay Rock Quarry, Baguio City.
Nakumpiskar manipud kadagitoy ti 10 a sachets ti mapapati a shabu nga agdagsen ti agarup nasurok 50 a gramo nga addaan gatad a P350,000.
Sigun iti PDEA-Cordillera, daytoyen ti kadakkelan a tiliw dagitoy iti maymaysa nga operasyon.
Sumangsango dagiti suspek iti kaso a panaglabsing iti RA 9165 wenno iti Comprehensive Dangerous Drugs Act of 2002.
