Impablaak ti Office of the Prosecutor ti International Criminal Court a ni Deputy Prosecutor Nazhat Shameem Khan ken Mame Mandiaye Niang ti nangala iti liderato, management ken administrasion ti Office of the Prosecutor kalpasan ti desision ni Prosecutor Karim Khan a temporario a pumanaw.
Sigun iti ICC, kiniddawna ni Prosecutor Khan iti opisinada a temporario a pumanaw bayat a maur-uray ti imbestigasion iti mapapati a saan a nasayaat nga inamidna seknan iti seksual.
Kinuna pay ti ICC nga ipasigurado ni Deputy Prosecutors Khan ken Niang nga ituloyda dagiti pagrebbengan ken aktibidad ti Office of the Prosecutor.
Immuna nga inwaragawag ti ICC ti pannakaisayangkat ti external investigation iti mapapati a “sexual misconduct” ni Khan, a pinaglibakanna.
Immuna nga inwaragawag ti bagi a manarawidwid ti ICC ti external investigation iti maipagarup a di umiso a kababalin ni Khan, a nangilibak kadagiti alegasion.
Maipalagip a ni Khan ti nagkiddaw iti ICC iti arrest warrants para ken ni Israeli Prime Minister Benjamin Netanyahu, sigud a defense minister Yoav Gallant, ken tallo a kangrunaan a lider ti Hamas.
Ni Khan pay ti chief prosecutor iti crimes against humanity nga alegasion kontra iti naibalud a ni sigud a President Rodrigo Duterte.
