BAGUIO CITY – Matamtaming iti pagagasan ti dua nga indibidual a nadangran iti panangdinnungpar ti maysa a trak ken maysa a van sadiay Halsema Highway, Abiang, Atok, Benguet idi kalman.
Nabigbig dagiti biktima a da Marie Lumino La-ao, agtawen iti 41, residente ti Tadian, Mt. Province ken ni Samuel Marquez Mercado, agtawen iti 48 ken residente ti Tarlac City.
Nairaman iti nasao nga aksidente ti trak nga addaan plaka WEV-329 nga imanmaneho ni Brandy Duluyen, agtawen iti 38 ken residente ti Sagada, Mt. Province ken ti van nga addaan plaka a BEX-895 nga inmaneho ni Jerry Daowan, a residente ti Tadian, Mt. Province.
Maibasar iti report, agpada a paturong sadiay Buguias, Benguet ti dua a lugan idi killaat a simmardeng iti tengnga ti kalsada ti trak a nangitunda tapno madungpar daytoy ti sumarsaruno a van.
Nagsarap iti dunor dagiti biktima a pasahero ti nasao a van ken dagus dagitoy a naiturong Atok District Hospital.
