BAGUIO CITY – Nakemmeg ti dua nga indibidual iti drug buy-bust operation nga impatungpal ti nagtipon a puersa ti Philippine Drug Enforcement Agency-Cordillera ken PDEA-Region 1 idi kalman.
Nabigbig dagiti suspek a da Loida Bulangen Cabbigat, agtawen iti 48, balasang ken residente ti Loakan Proper, Baguio City ken ni Frederick Lucas Espada, agtawen iti 44, naasawaan ken residente ti Bulalacao, Mankayan, Benguet.
Sigun iti maysa a PDEA agent a nakapatang ti Bombo-Radyo News Team, nakumpiskar manipud kadagiti suspek ti maysa a pakete a naglaon iti maatap a shabu, maysa a digital weighing scale, maysa a selpon ken maysa a pick-up utility truck nga inaramat dagiti suspek iti iligal a transaksion.
Sumangsango dagiti suspek iti kaso a panaglabsing iti linteg a mangipawpawil iti panagilako ken panagaramat iti iligal a droga.
——————– Filipino translation ——–
BAGUIO CITY – Naaresto ang dalawang tao sa inilunsad na drug buy-bust operation ng pinagsamang pwersa ng Philippine Drug Enforcement Agency-Cordillera at PDEA-Region 1 kahapon.
Nakilala ang suspek na si Loida Bulangen Cabbigat, 48, at residente ng Loakan Proper, Baguio City at si Frederick Lucas Espada, 44, naasawaan at residente ng Bulalacao, Mankayan, Benguet.
Ayon sa isang PDEA agent na nakapanayam ng Bombo-Radyo News Team, nakumpiska mula sa mga suspek ang isang pakete na naglalaman ng hinihinalang shabu, isang digital weighing scale, isang selpon at isang pick-up utility truck na ginamit ng mga suspek sa iligal na transaksion.
Nahaharap ngayon ang mga suspek sa kasong paglabag sa batas na nagbabawal sa pagbebenta at paggamit ng iligal na droga.
