Pimmusay dagiti dua nga indibidwal kalpasan a nag-crash ti ultralight aircraft nga linugananda iti maysa a pagtalonan iti pagay idiay Conception, Tarlac idi laeng Sabado.
Pakairamanan daytoy ti piloto ken ti maysa a kadwana nga agpada a saan pay naibinglay ti pakabigbiganna.
Naitaray pay dagitoy iti Concepcion District Hospital ngem agpada a naideklara a dead on arrival.
Sigun iti report, imbinglay dagiti witness a nakitada ti nasao nga aircraft a nagtayye-tayyek iti tangatang sakbay a bimmagsak.
Nupay kasta, manarimaan paylaeng ti imbestigasyon dagiti otoridad iti rason ti panakapasamak iti nasao nga insidente .
Karaman kadagiti kitkitaenda a posible a nakaitunda iti crash ti problema iti engine, pilot error, ken ti sasaaden iti panawen.
Mainaig iti dayta, sinuspindir met iti Civil Aviation Authority of the Philippines (CAAP) ti operasyon iti Woodland Airpark nga isu ti operator iti nag-crash nga aircraft.
