Naireport ti dua nga insidente ti panagbettek sadiay Cotabato City idi Domingo, Setiembre 14 bayat nga umadani ti Bangsamoro parliamentary elections.
Maysa ti nadangran iti immuna nga insidente bayat nga awan ti nadangran iti maikadua.
Sigun iti Police Regional Office Bangsamoro Autonomous Region (PROBAR), napasamak ti immuna a panagbettak iti 8:00 p.m sadiay Purok Amirol, Barangay Kalanganan.
Nangitunda daytoy iti pannakadangran ni Zainodin Sapal Macabuat, residente iti Poblacion 1.
Saan paylaeng a nabigbig ti suspek ken ti motibo daytoy.
Kabayatanna, napasamak manen ti maikadua a panagbettak ti saan a nabigbig a banag iti oras ti 8:10 p.m sadiay Datu Udtog Matalam, Malagapas, Barangay Rosary Heights 10.
Awan ti naipadamag a nadangran iti napasamak nga insidente.
Iti agdama, saan paylaeng a nabigbig dagiti otoridad no anya a kita ti explosive devices ti bimtak
