Maangay ita nga aldaw, Setiembre 14 ti kaunaan a parliamentary elections sadiay Bangsamoro Autonomous Region in Muslim Mindanao (BARMM), 50 a tawen ti napalabas kalpasan a nagpinnirma ti Philippine government ken Moro National Liberation Front (MNLF) iti Tripoli Agreement idi December 23, 1976.
Panggep ti katulagan a mangrisut iti armed conflict sadiay Mindanao ken mangipasdek iti autonomous area para kadagiti Muslim iti southern Philippines.
Timmulong ti Libya ken ti Organization of Islamic Cooperation (OIC) iti nasayaat a negosasion iti nagbaetan ti gobierno ti Pilipinas ken ti MNLF.
Maipalagip nga idi Hulyo, kinuna ni President Ferdinand Marcos Jr. a determinado a nga ituloyda ti naballigi a pannakaisayangkat ti BARMM elections.
Sigun kenni President Marcos Jr., determinado iti pannakaipatungpal ti BARMM elections tapno adda ti mabutosan a parlamento iti Bangsamoro Autonomous Region in Muslim Mindanao.
Mangipaay dalan daytoy iti BARMM Government iti umdas nga oras tapno maimplementar ti pangeddeng ti korte bayat a maitandudo ti autonomiya ken demokratiko a tarigagay dagiti tattao sadiay Bangsamoro.
Nangipaulog metlaeng ti Presidente iti proklamasyon a nangideklara iti Setiembre 14, 2026 kas special non-working day iti BARMM.
Kabayatanna, dumanon iti 2,393,202 ti agbutos para iti maysa a pannakabagi ti parliamentary district representative, maysa a parliamentary political party ken innem a parliamentary sectoral organizations a mangibagi kadagiti komunidad, babbai, agtutubo, ulama, traditional leaders ken dadduma pay.
