Naituding a sumarungkar iti probinsia ti Kalinga inton Hunio 24 ti dua nga Undersecretary iti Department of Agrarian Reform (DAR) tapno papigsaen ti suporta iti coffee industry ken agrarian reform programs idiay Kalinga.
Sigun iti Provincial Agrarian Reform Program Office, da undersecretary Jesry T. Palmares ken undersecretary Josef Angelo S. Martires ket makitaripnong kadagiti lokal nga opisial, mangisayangkat iti field inspections, ken makikoordinar kadagiti cofee farmers ken organisasion tapno maamuan ti kasasaad ken kasapulan iti sektor.
Kagiddan iti panagsarungkar, mangiwaras metlaeng ti Department of Agrarian Reform iti Certificates of Land Ownership Awards (CLOAs), e-Titles, ken Certificates of Condonation with Release of Mortgage (CoCRoM) kadagiti Agrarian Reform Beneficiaries (ARBs), kasta metlaeng iti farm machinery para kadagiti napili a farmers’ groups a benepisiario.
Dumanon iti 506 Agrarian Reform Beneficiaries ti manamnama nga agnumar iti programa.
