BAGUO CITY – Nakastrek ti dua nga unibersidad iti lokalidad iti top performing schools iti November 2017 Nurse Licensure Examination.
Maibasar iti listaan ti Professional Regulation Commission (PRC), maika-dua ti Saint Louis University (SLU) iti siudad ti Baguio City kalpasan a 99.39 percent kadagiti examinees daytoy ti pimmasa.
Naamuan a maysa laeng kadagiti 165 nga examinees ti SLU ti saan a pimmasa iti nasao nga eksaminasyon.
Maikatlo met ti Benguet State University (BSU) sadiay La Trinidad, Benguet kalpasan a 98.15 percent kadagiti examinees daytoy ti pimmasa.
Naamuan a maysa metlaeng kadagiti 54 nga examinees ti SBU ti saan a pimmasa iti nasao nga eksaminasyon.
Sigun iti PRC, 5,875 dagiti pimmasa manipud kadagiti 12,869 a nakipaset iti kaudian a licensure examination dagiti nars iti entero a pagilian.
