--Ads--
BAGUIO CITY – Nakemmeg ti dua a residente ti Kalinga a suspek iti panakapapatay iti chief of police ti Mallig, Isabela idi kanikadua.
Nabigbig dagiti nakemmeg a suspek a da Warren Bulawit, 19-anyos, driver ti tricycle, residente ti Nambaran, Tabuk City, Kalinga ken ti kadwana a 17-anyos.
Nabigbig met ti biktimada a ni PSI Michael Angelo Tubania, 30-anyos, naasawaan ken addaan iti maysa nga anak.
Sigun kenni PSI Saturnino Aggabao, Deputy Chief ti Mallig, Isabela, nakemmeg dagiti suspek iti impatungpalda nga operasyon sadiay Kalinga.
Maipalagip a pimmusay ti biktima kalpasan a pinaltugan daytoy dagiti suspek kabayatan ti insayangkatnaken dagiti kakadwana a pulis a drug-buy bust operation sadiay Centro Uno, Mallig, Isabela.
