Temporaryo a nakabalud ita ti estudyante a babae nga agtawen iti 20, tubo ti Cagayan, kalpasan a maatap a tinakawna ti wallet ti dua a pada na a college student idiay Magsaysay Avenue, Happy Homes, Baguio City.
Maibasar iti report ti pulisya, mapan kuman mangngaladaw dagiti biktima, agtawen iti 25 ken 26 idi agsapa ti Martes, Oktobre 20 kadua dagiti kaeskwelaanda idi natakwatanda a mapukpukaw dagiti walletda a nakakabil iti bag daytoy.
Dagiti nasao a wallet ket naglaon iti kuwarta ken IDs.
Pinadasda daytoy a sapulen ngem saanda metten daytoy a nasapulan.
Nupay kasta, maysa kadagiti biktima ti nakaawat iti mensahe iti ikitna nga adda ti nangaramat iti credit card daytoy iti maysa kadagiti kadakkelan a grocery idiay La Trinidad, Benguet.
Gapu iti dayta, nagdardarasda a nagturong iti nasao a grocery store ket ditoyda metten a nadanonan ti suspek, a dagos a tiniliw dagiti personnel iti grocery store.
Balligi met a narekober dagiti biktima dagiti walletda. Iti kaudian a report ti pulisya, posible sumango ti suspek iti kaso a panagtakaw. // via Bombo Noveh Organo
