--Ads--
Impakaamo ni Senador Panfilo “Ping” Lacson a ti 2025 national budget ti maudi nga spending plan nga addaan iti makunkuna a “leadership fund.”
Sigun kenkuana, aramid daytoy ti sigud a Department of Public Works and Highways Secretary Manuel Bonoan ken daydi sigud nga Undersecretary Catalina Cabral.
Inladawan ti Senator ti nasao a mikanismo nga “improper” iti baet a saan nga ilegal agsipudta babaen iti daytoy, napalubusan dagiti mammanday-linteg a mangilasin kadagiti proyekto bayat ti budget preparation stage a rumbeng nga aramiden ti executive branch.
Kabayatanna, inyarig ni Lacson ti “leadership fund” iti congressional pork barrel mechanism nga indeklara ti Korte Suprema idi 2013 a maikontra iti konstitusion.
