--Ads--
Pinaayaban ti Criminal Investigation and Detection Group ti Philippine National Police (PNP-CIDG) ti 21 nga indibidual a mabalin a makaipaay iti impormasion mainaig iti gandat a panagipuslit iti 521 a kilos ti maatap a shabu sadiay pagilian a Laos.
Sigun kenni PNP spokesperson Col. Allen Rae Co, kaadduan kadagiti napaayaban ket nagturungen iti PNP-CIDG.
Kabayatanna, posible nga ad-adu pay nga indibidual ti mapaayaban mainaig iti nasao nga isyu.
Maipalagip a binigbig ni Interior Secretary Jonvic Remulla ni sigud a Bangsamoro Parliament member Edriezan Hadji Nasser Rimbang a daytoy ti mastermind iti gandat a panangipuslit iti mapapati a shabu nga aggatad iti P3.5 billion manipud sadiay pagilian a Laos agingga iti Pilipinas.
