Nagisubmitir ni Police Master Sgt. Aileen Mendoza iti final sworn statement iti National Bureau of Investigation (NBI) seknan iti maipagarup a panangpadas dagitoy a mangipuslit iti ₱3.5 billion a gatad ti shabu manipud sadiay pagilian a Laos nga agturong iti pagilian a Pilipinas.
Inlibak ni Mendoza ti aniaman a pannakairamanna iti droga ken impaganetget daytoy a limitado laeng iti panangurnos iti pribado nga eroplano ti akemna.
Sigun iti abogadona a ni Benjamin Magadia, nakitinnulong ti kliyentena iti imbestigasion tapno paneknekan nga awan ti ammona iti nasao nga illegal a cargo.
Kinuna pay ti abogado a mabalinda ti mangipila iti countercharge kadagiti mangak-akusar kenni Mendoza, iti kanito mapaneknekan nga awan ti pakainaiganna iti gandat a panagipuslit iti ilegal a droga.
