Nadiskobre dagiti otoridad ti agarup P1 Million a gatad ti mula a marijuana sadiay Sitio Buduan, Barangay Poblacion, Kibungan Benguet idi Nobiembre 21, 2026.
Nasarakan daytoy iti maysa a plantasion ti marijuana nga addaan iti kalawa a 500 square meters.
Nagrugi ti operasion iti pasado 9:30 ti agsapa ken nagpatingga iti pasado alas kuatro ti malem.
Balligi ti operasyon babaen iti panangidaulo ti Philippine National Police Drug Enforcement Group-Special Operations Unit Cordillera Administrative Region ken Kibungan Municipal Police Station.
Kasaruno ti pannakadiskobre ti plantasyon, dagus a pinarut ken inuram dagiti otoridad ti nasao nga ilegal a mula iti isu metlaeng a lugar.
Awan ti natiliw iti operasion ngem agtultuloy ti imbestigasion dagiti otoridad tapno mabigbig ken matiliw ti responsable iti daytoy.//











