--Ads--

Dumanon ti agarup 10,000 a piraso ti Fully Grown Marijuana Plants (FGMJP) ti pinarut ken dinadael ti PNP DRUG ENFORCEMENT GROUP- Special Operations Unit CAR iti naipatungpal a Marijuana Eradication sadiay Sitio Agadangan, Brgy. Palina, Kibungan, Benguet, November 20, 2026.

Iti report manipud iti nasao a unit, nadiskubre dagiti nasao a marijuana plants iti agarup 1000 square meters cultivated hillside. Dagosda met daytoy a pinarut, dinadael ken inuram.

Ti nasao nga operasyon ket indauluwan ti PNP DEG SOU CAR kaduada ti Kibungan Municipal Police Station (MPS).

Kabayatanna, winetnessan met daytoy ti representative manipud kadagiti nadakamat nga unit ken nagpirma metlaeng dagitoy iti Certificate of Destruction, kas nakalanad iti Section 21 of R.A. 9165.

Awan met ti nakemmeg a cultivator bayat ti nasao nga operasyon .