--Ads--

Nakemmeg ti maysa a drug personality iti naisayangkat a buy-bust operation idiay Kayang Hilltop Barangay parbangon, ita nga aldaw, Nobyembre 19,2026.


Ti lalaki a suspek ket agtawen iti 41 ken residente iti Block 7, East Quirino Hill, Baguio City.


Naala dagiti otoridad ti maysa a piraso iti heat sealed transparent sachet a naglaon iti maatap a shabu (subject for sale).


Malaksid iti dayta, nakumpiska metlaeng manipud iti suspek dagiti non-drug evidence pakairamanan ti maysa a pudno a P500 bill, dua a P1,000.00 bill a naaramat kas boodle money ken maysa a cellphone.


Iti agdama, addan iti kustodiya ti pulisya ti suspek ken posible a sumango daytoy iti kaso a panaglabsing iti RA 9165 wenno ti Comprehensive Dangerous Drugs Act of 2002.


Balligi ti operasyon babaen iti operatiba nga indauloan ti Baguio City Police Station 7.