BAGUIO CITY – Dumanon iti pakabuklan a duapulo ket maysa a pagadalan ken grupo ti makipaset iti Grand Street Dancing Parade a maysa kadagiti highlights ti Panagbenga a maangay inton sabado.
Pakairamanan ditoy ti siyam nga entries ti elementary school, uppat iti high school division bayat a walo a grupo ti makipaset iti open category.
Ti mangabak iti elementary division ket makaawat iti P150, 000; ti maikadua ket P130; 000, ti maikatlo ket P100, 000; ti maikapat ket P80, 000; ken ti maikalima ket P60, 000.
Kabayatanna, ti maikanem agingga iti maikasiyam a puesto ket makaawat iti P40, 000 bayat a ti maikasangapulo agingga iti maikasangapulo ket dua a puesto ket makaawat iti P30, 000.
Malaksid kadagiti nasao a premyo ket makaawat pay dagitoy iti sag-P20, 000 a subsidiya.
Iti met highschool division ket maipaayan iti P100, 000 ti kampeon, P70, 000 ti second place, P50, 000 ti third place bayat a ti consolation prices ket P30,000.
Iti met open category ket mangabak iti P130, 000 ti kampeon, P80, 000 ti maikadua bayat a ti consolation price ket P30, 000.
