Naiserbian ti warrant of arrest ti 23-anyos a lalaki, alyas “Islay,” construction worker ken residente iti Purok 5, Pinsao Proper, Baguio City idi Agosto 27 bayat ti kaaddana iti BJMP Male Dormitory iti siudad ti Baguio.
Ti warrant of arrest ket impaulog ti presiding judge iti Branch 59, Regional Trial Court, First Judicial Region, Baguio City, gapu iti kasona nga Statutory Acts of Lasciviousness nga adda pakainaigan iti R.A 7610, dua a bilang iti Statutory Sexual Assault kas naamyendaran iti R.A 8353 nga adda pakainaiganna iti R.A 7610 ken lima a bilang iti Statutory Rape iti sidong iti 266-A, No.1 (D) nga adda pakainaiganna iti Article 266-B.
Nairekomendar met ti piansa a dumanon iti P200,000 para iti kaso nga Statutory Acts of Lasciviousness ken awanan met iti piansa ti kasona a lima a bilang iti Statutory Rape.
Ti warrant ket naipaulog idi Agosto 24, 2026.
Nakabalud iti agdama ti lalaki iti BJMP Male Dormitory iti siudad ti Baguio.|via Bombo Noveh Organo
