Natalged itan ti kasasaad dagiti 23 nga indibidual a nadangran iti panagdinnungpar ti van ken ti SUV nga inmaneho ti 13-anyos a babae sadiay Barangay Ili Sur, San Juan, La Union idi June 22, 2025.
Naammuan a ti 13-anyos a babae, ket Grade 7 ken residente sadiay La Union, no sadino ti kaduana iti uneg ti nasao a lugan ket ti 14-anyos a babae.
Sigun kadagiti pulis, nagna ti SUV iti kapada a linya rason a nagdinnungpar dagitoy iti pasungad a van a naglaon iti 21 nga indibidual a nagapu sadiay Metro Manila.
Gapu iti dayta, nagsagrap dagiti amin nga indibidual a linaon ti van,pakairamanan ti driver daytoy kasta metten ti menor de edad a driver ti SUV ken ti maysa a pasaherona.
Dagus met naiturong dagitoy iti pagagasan para iti pannakataming.
Kabayatanna, impetteng dagiti pulis nga ibaklay dagiti nagannak ti menor de edad a driver ti SUV ti civil liability iti nasao nga aksidente.
Naammuan met a ti nasao a menor de edad ket saan a nakainom iti arak no diket gapu laeng iti “curiosity” daytoy.
Addan metten iti kustodiya ti San Fernando City Social Welfare and Development dagiti dua a menor de edad para iti kanayonan nga imbestigasyon.
