Sinuspinder ti Land Transportation Franchising and Regulatory Board (LTFRB) ti 24 a units ti bus company a karaman iti aksidente ti lugan a nakatayan ti maysa a konduktor ken pannakadangran ti innem a pasahero iti siudad ti Baguio.
Sigun kenni LTFRB chair Vigor Mendoza II, nasuspinder dagiti units ti bus iti 30 nga aldaw bayat a maim-imbestigaran ti napasamak nga insidente.
Maipalagip a napasamak ti aksidente idiay Marcos Highway idi June 16, 2026.
Sigun iti reports, paturong ti bus iti siudad ti Baguio City idi dinungparna ti nakaparada a truck.
Nangitunda daytoy iti ipupusay ti konduktor bayat a nadangran dagiti innem a pasahero.
Kabayatanna, nakiddaw iti LTFRB show cause order (SCO) a mangisayangkat ti bus firm iti drug test kadagiti amin a drivers-na kasta met ti road worthiness inspection dagiti 24 a suspended bus units.
Nakiddaw metlaeng ti plaka ti nasuspinder a bus units tapno masigurado ti pannakatungpal ti suspension order.
