Nasurok 25 a tonelada a presko a nateng manipod Benguet ti naiwaras iti agarup 1,000 a transport workers iti Metro Manila, partikular iti Quezon City ken San Juan.
Indauloan ni Philippine National Police Deputy Chief for Operations, Lieutenant General Edgar Alan O. Okubo ti panangiwaras kaduada ti Rotary Club of Camp Crame iti sidong iti programa a “Rescue the Crop, Beat the Pump.”
Panggep iti programa a matulungan dagiti mannalon a naapektaran iti oversupply ken nababa a kita, bayat a mangipapaay iti suporta met dagiti drayber ken dadduma a trabahador a naapektaran iti panagngato iti presio iti lana.
Direkta a nagatang iti nainkalintegan a presio dagiti nateng manipod kadagiti mannalon, karaman idiay Atok, tapno maliklikan ti pannakasayang ti apit.
Kaduada metlaeng iti inisiatiba ti nagduduma nga organisasion a kas iti Fraternal Order of Eagles ken Cordillera Police Regional Office.
