BAGUIO CITY – Nakemmeg ti 25-anyos a lalaki sadiay Lower Cypress, Irisan, Baguio City babaen iti buy-bust operation nga impatungpal ti Baguio City Police Office Station 5- Drug Enforcement Unit idi Martes, Agosto 04, 2026.
Nakumpiskar manipud iti suspek ti agarup 0.3 a gramo ti maatap a Shabu nga addaan iti Standard drug price a P2,040.00.
Malaksid iti dayta, nakompiskar metlaeng ti sumagmamano a non-drug evidences kas iti cellphone ken kwarta.
Iti agdama, ti suspek ket temporaryo nga adda iti kustodiya ti kapulisan bayat a maipasidung iti Qualitative Examination ti droga a nakompiskar.
Daytoy ti kaunaan a gundaway a natiliw ti suspek a sumango iti panaglabsing ti RA 9165 wenno comprehensive dangerous drugs act of 2002.
Balligi ti operasyon babaen iti nagtipon a pwersa ti BCPO SDEU PS5 (LEAD UNIT), BCPO PS9, CIU Ken CDEU.//Bombo Noveh Organo
