--Ads--
BAGUIO CITY – Nakemmeg ti 25-anyos a No. 3 Top Most Wated Person babaen iti nainget a panaganup dagiti kameng ti Inayan cops ti Mountain Province Police Provincial Office idiay Sitio Gayang, Brgy Poblacion, Paracelis.
Babaen iti nagtipon a puersa ti Paracelis Municipal Police Station (MPS), 2nd Mountain Province Provincial Mobile Force Company, Provincial Intelligence Unit, ken daduma pay a yunit ti pulisya, naiserbi ti warrant of arrest kontra iti suspek gapu iti attempted murder.
Maipalagip nga idi Nobyembre 2023 ket tallo a daras a tinagbat ti suspek ti ulo ti 25-anyos a biktima bayat a paawid daytoy.
Dagus met a nakalibas ti biktima ken nailasatna ti nasao nga insidente.
