--Ads--
Imbilin ti Department of the Interior and Local Government (DILG) kadagiti mayor ken gobernador iti Ilocos Region, Cagayan Valley ken Cordillera Administrative Region ti panangisayangkatda iti preemptive evacuation kadagiti ginasgasut a barangay gaputa manamnama a sumangpet ti Severe Tropical Storm Nika ita nga aldaw.
Naipaayan ti sangapulo ket innem nga oras a panagbakwit dagiti umili iti agarup 2,500 a barangay a nangrugi idi kalman ti malem.
Dagitoy a barangay ket nalaka a malayus ken nalaka ti panagregaay ti daga.
Malaksid iti Nika, dua pay a dadduma a tropical cyclones ti manamnama a sumrek iti Philippine Area of Responsibility, a maawagan kas Ofel ken Pepito.
