Saan paylaeng a mabalin a pagnaan dagiti motorista ti 26 a kalsada ken uppat a rangtay iti pagilian, partikular iti sumagmamano a kalsada iti rehion Cordillera, Negros Island Region (NIR) ken dadduma pay.
Mainaig iti dayta, inwaragawag ti Philippine Coast Guard a dumanon iti 1, 875 nga indibidual ti na-stranded kadagiti sumagmamano a sangladan iti pagilian, manipud iti 12 a.m. agingga 4 a.m. iti Sabado, July 19, 2025 .
Sigun iti Philippine Coast Guard, 81 a barko, 37 a motorbancas ken 591 a rolling cargoes ti na-stranded.
Kabayatanna, agdagup iti 4,595 a pamilya ti agkasapulan ti tulong iti Region 1 ken 6.
Gapu iti dayta, kasapulan ti agarup P2. 5 Billion tapno matulongan dagiti 4,595 a pamilya.
Immuna metten a natulungan ti gobierno dagiti 3, 840 a pamilya a naapektaran iti Tropical Storm Crising.
