Naisukon ti kanayunan a paltog a nakarehistro kenni fugitive Senator Ronald “Bato” Dela Rosa, sigun iti Philippine National Police.
Sigun kenni PNP Public Information Office chief PCol. Allen Rae Co, 20 a paltog ti insuko iti Davao ken innem iti Region 4, isut gapuna a dumanon iti 26 ti pakabuklan nga armas ti naipaima.
Nupay kasta, 91 iti 117 a paltog a nakarehistro iti nagan ni Dela Rosa ti saan pay a naisuko.
Kinuna iti PNP nga agtultuloy a makikikoordinarda iti pamilia ni Dela Rosa para iti panangisuko kadagiti nabatbati nga armas ken mangisayangkat iti ligal nga addang nu kasapulan.
Kabayatanna, agtultuloy ti operasion iti pulisia tapno sapulen ni Dela Rosa ken ipatungpal ti arrest warrant kontra kenkuana.
Sigun iti PNP, maibasar iti kaudian nga impormasion, adda iti Pilipinas paylaeng ti senador.
Wanted ni Dela Rosa seknan iti imbestigasion iti International Criminal Court iti mapapati a crimes against humanity nga adda pakainaigan iti drug war idi administrasion ni sigud a President Rodrigo Duterte.
