Naikulong ti 26-anyos a lalaki sadiay UK kalpasan nga inaklonna a daytoy mismo ti nangpuor iti pagtaenganna tapno laeng makitana dagiti firefighters wenno bombero nga agsebsebseb iti uram.
Ni James Brown ket na-obssessed kadagiti firefighters rason a naaramidna a puoran ti pagtaenganna tapno makitana laeng dagitoy.
Arapaap ni Brown nga agbalin a bombero nupay kasta, saan daytoy a natungpal.
Maysa nga aldaw, nagtawag ni Brown iti fire department gapu ta kinunana a nagspark ti electricity meter daytoy.
Dagus met a nagresponde dagiti bombero ken sinebsebanda ti uram.
Ngem kalpasan ti agarup maysa nga oras ket nagtawag manen daytoy, rason a dinamagda no anya ti nagtaudan ti uram ken agpada ti sungbat ni Brown.
Gapu iti dayta, nasdaaw dagiti bombero gapu ta indisconnectda ti electricity meter ken maatap a daytoy mismo ti nangpuor iti pagtaneganna.
Maibasar iti record, dumanon iti walo pulo a gundaway a nagtawag ni Brown iti fire department iti las-od ti maysa a tawen ken inaklonna a daytoy ti mismo a mangar-aramid kadagiti nasao a banag gapu iti panaka-obssessna kadagiti bombero a mangsebsebseb iti uram.
Tunggal agreponde met dagiti bombero ket nakasagana ti camerana a mangvideo kadagitoy.
Kabayatanna, kinuna ti abogado ni Brown nga agbabbabawi daytoy ken kiddawna matulongan daytoy iti panaka-obsessna.
