BAGUIO CITY – Nailista ti 27 a kaso ti Human immunodeficiency virus (HIV) iti siudad ti Baguio manipud Enero agingga Marso iti agdama a tawen.
Iti pannakiuman iti Bombo Radyo kenni Dr. Celia Flor Brillantes, dadaulo ti City Health Services Office, kinunana nga agtawen iti 15 ti kaubingan a nagpositibo iti nasao a sakit no sadino, kaaduan kadagitoy ti lallaki.
Kabayatanna, impetteng ni Dr. Brillantes a ngimmato ti kaso ti HIV iti rehion Cordillera.
Gapu iti dayta, inyunay-unayna ti kanayon a panagaramat kadagiti preventive measures kas iti Condom.
Iti agdama manarimaan ti panaggaramid dagiti maseknan nga opisina iti nagduduma a wagas tapno malapdan ti panagadu ti kaso ti nasao a sakit.
Ti HIV ken maysa a Virus a maala iti Multiple sexual intercourse.
Mabalin a maiyakar babaen iti sexual intercourse iti nagduduma nga indibidual nga awanan iti proteksion.
Sigun kenni Dr. Brillantes, karaman kadagiti sintomas ti nasao a sakit ket pakairaman iti gurigor, dry skin, panagkuttong ken dadduma pay.//mp4
