Sapsapulen ita dagiti awtoridad ti suspek a nangpaltog iti 29-anyos a lalaki idiay Campo Sioco, Ferdinand, Baguio City idi kalman ti parbangon.
Iti interview ti Bombo Radyo Baguio, kinuna ni PMaj. Nixon Torren Budikey, Station Commander ti Baguio City Police Station 5, nakaawatda iti report manipud iti maseknan nga umili a nakangngeg iti kanalbuong ti paltog.
Maibasar iti nakalap nga impormasyon dagiti awtoridad iti testigo, am-ammona ti biktima ken ti suspek ngem saanda pailaeng a dinakamat ti nagan dagitoy tapno saan a maapektaran ti maipatpatungpal nga imbestigasyon.
Sigun kenkuana, daldalyasaten ti biktima ti Marcos Highway ngem nadadaelan ti lugan daytoy.
Ditoy met a simmangbay ti suspek ket pinaltuganna ti biktima.
Naitaray met iti ospital ti biktima ngem pimmusay metlaeng.
Iti agdama ket maisagsaganan ti kaso kontra iti suspek nu sadino posible a sumango daytoy iti frustrated homicide, sigun kadagiti otoridad.
