BAGUIO CITY- Nainget ti ipatpatungpal dagiti otoridad nga inspeksion kadagiti balay paginum iti siudad ti Baguio.
Sigun kenni Police Major Marcy Grace Marron, public information Officer ti Baguio City Police Office, ipatpatungpal amin dagiti stasyon ti BCPO ti inspeksyon.
Malaksid iti dayta, mangipalpatungpal metlaeng City health services office iti bukodda nga inspeksion.
Ti nasao nga inspeksion ket tapnu masigurado nga awan ti labsingen dagiti balay paginuman nga ordinansa.
Kabayatanna, impakaammo ti nasao nga opisial nga awan ti ordinansa a nilabsing dagiti nasao nga establisiemento.
Nagpalagip ni Marron kadagiti establisiemento a saanda nga agpasrek kadagiti minor de edad, surutenda ti paglintegan, ken ti nainget a panagsukimat dagitoy kadagiti kagawaan dagiti kostumerda tapno maliklikan ti inyaman nga insidente.
Siasino nga aglabsing kadagiti ordinansa ket mapatawan iti kaskenan a pannusa.//via Bombo Noveh Organo
