Naituding a maangay iti siudad ti Baguio partikular iti Camp John Hay inton Hulyo 26, 2026 ti 2XU Speed Series babaen iti “Speed Series by the Mountain – Baguio Leg.”
Daytoy ket kasaruno iti naballigi a pannakaisayangkat idiay Maynila.
Maluktan ti registration mangrugi inton Mayo 28 iti sidong iti tema a “Bound to Nature,” a panggepna nga isubli dagiti runner iti karit iti trail ken mountain running.
Karaman kadagiti kategoria ti 2KM Speed Run, 5KM, 10KM, 21KM Half Marathon, ken Relay.
Sigun kadagiti organizers, panggep iti karera a pagkaysaen ti kinapartak, kinatibker, ken mental grit iti nalamiis ken narangkis a terrain iti siudad ti Baguio.
Sigun kenni Christine Majadillas, Chief Experience Officer iti One of a Kind Asia, sungbat daytoy iti kiddaw dagiti runner para iti at-atidog a distansia ken makakarit a ruta.
Tunggal participants ket makaawat iti original 2XU signature jersey ken perks manipod iti brand partners.
Limitado metlaeng ti early bird slots.
