BAGUIO CITY – Nakastrek ti tallo a graduate iti lokalidad kadagiti Top 10 ti March 2018 Licensure Examination for Teachers (L.E.T.) Board Exam.
Nagun-od ni Mardiño Miano Nuesca manipud iti University of the Cordilleras ti maika-siyam a pwesto iti Elementary Level kalpasan a nakailista iti 86.80 percent.
Nakastrek met iti Top 10 ti Secondary Level da Arthur Cabico Soriano Jr. manipud iti University of the Cordilleras ken Florence Reyes Duldulao manipud iti University of Baguio.
Ni Soriano Jr. ket maika-lima a pwesto a nakailista iti 91.60 percent bayat a ni Duldulao ket maika-siyam a pwesto a nakailista iti 90.80 percent.
Kabayatanna, nabigbig met ti Saint Louis University kas maikapat kadagiti Top Performing School iti nasao nga eksaminasyon.
