--Ads--
BAGUIO CITY – Nadiskobre dagiti kameng ti Philippine Army ti tallo nga abandonado a kuta ti New People’s Army (NPA) sadiay Kalinga idi napalabas a lawas.
Sigun kenni Lt. Col. Guliver Seneres, commanding officer ti 50th Infantry Batallion ti Philippine Army, nasarakanda dagiti nasao a kuta iti munisipio ti Pinukpuk ken Balbalan kabayatan ti panangipatungpalda iti offensive operations.
Kinunana nga adda met laeng ti nadiskobreda a kampo dagiti rebelde sadiay Magnao, Tabuk City.
Dinakamat ni Col. Senerez a masarakan dagiti nasao a kuta iti nasamek a paset ti kabambantayan isut gapuna a narigat dagitoy a madlaw dagiti umili.
