--Ads--
Imbitaran ti National Bureau of Investigation (NBI) ni Vice President Sara Duterte tapno sungbatanna dagiti alegasyon ni Ex-cop Rodulfo Gracioso Jr. a maatap a nangitulod kadagiti nakamaleta a kuarta iti kameng ti pamilya Duterte.
Sigun kenni NBI Director Melvin Matibag, ti imbitasyon ket paset ti panagregget ti bureau a mangipaay iti gundaway tapno agpammalawag ni VP Duterte ken dadduma pay nga indibidual a nainaganan iti statement ni Gracioso.
Imbitaren metlaeng ti NBI ni Davao City 1st district Rep. Paolo Duterte, sigud nga speaker Lord Allan Velasco ken ti asawana a ni Rowena.
Impeksa ni Matibag a kayat ti bureau a mangngegan dagiti panangilibakda ken dadduma pay a panangilawlawag dagitoy.
