BAGUIO CITY – Nakemmeg ti tallo a lallaki iti drug buy-bust operation nga impatungpal dagiti otoridad sadiay Pico, La Trinidad, Benguet idi rabii.
Naipatungpal ti buy-bust operation iti pagtaengan ni Edwin Salvador Ganado, 39-anyos, tubo ti Candon, Ilocos Sur ken residente ti Pico, LTB, ken nakumpiskar kenkuana ti tallo a sachets ti mapapati a shabu ken nagduduma a drug paraphernalia.
Nakemmeg metlaeng iti nasao nga operasyon ni Rommel Paculanan Olog, 38-anyos, tubo ti Mallig, Isabela ken residente iti nasao a lugar.
Iti met naipatungpal a follow-up operation, nakemmeg ni Reynan Tan Chavez, 27-anyos, baro, tubo ken residente ti Bayabas, Pico, LTB kalpasan a nasabat daytoy dagiti otoridad idi ideliberna dagiti imetna a droga iti balay ti immunan a nakemmeg a ni Ganado.
Nakumpiskar manipud kenni Chavez ti tallo a sachets ti mapapati a shabu.
Sumangsango dagitoy iti kaso a panaglabsing iti RA 9165 wenno ti Comprehensive Dangerous Drugs Act of 2002.
