Nabigbig iti maika-51 a Gawad Saka Awards ti tallo nga entry manipod iti Cordillera Administrative Region (CAR) kas naidumduma a mannalon ken organisasion iti tay-ak iti agrikultura ken panagkalap.
Karaman kadagiti napadawayan ni Edna Norial iti Lamut, Ifugao kas “Outstanding High-Value Crops Farmer,” kasta metlaeng ti Municipal Agricultural and Fishery Council (MAFC) iti Itogon, Benguet kas Outstanding Municipal/City Agricultural and Fisheries Council”; ken ti Provincial Agricultural and Fishery Council (PAFC) iti Benguet a nakaawat iti the “Outstanding Provincial/Highly Urbanized City/Independent Component City Agricultural and Fisheries Council” award.
Sigun iti Department of Agriculture–CAR, binigbig iti Gawad Saka ti napateg a kontribusion dagiti mannalon ken institusion iti panangpapigsa iti produksion ken pagbiagan iti sektor iti agrikultura.
Nakaawat ni Norial iti P250,000 bayat a sag-P600,000 met ti naawat iti dua a konsehal iti seremonia a naisayangkat iti Philippine International Convention Centeritay kanikadua.
Impaganetget iti DA a dagiti pammadayaw ket pammaneknek iti napateg a papel dagiti mannalon iti seguridad iti taraon iti pagilian ken ti agtultuloy a panagdur-as iti sektor iti agrikultura.
