--Ads--
BAGUIO CITY – Natiliw ti tallo nga indibidual a maibilbilang a High Value Targets (HVTs) iti buy-bust operation nga insayangkat dagiti otoridad sadiay Purok 6, Bakakeng Norte, Baguio City idi kalman.
Nabigbig dagitoy a da Michelle Marco Perocho alyas Michelle Teruel, 39-anyos; Alex Lanz Vitonio Santos, 39 -anyos, vendor ken Ariel Malabed Pescador, 21-anyos, ken bin-ig dagitoy a residente ti Baguio City.
Nakumpiskar kadagitoy ti maysa a pakete ti maatap a shabu nga aggatad ti P6,800.
Nakumpiskar pay iti ikotda ti maysa manen a pakete ti maatap a shabu nga agdagsen ti 0.5 grams bayat a narekoberda ti naaramat a buy-bust money.
Sumangsango metten dagitoy iti kaso a panaglabsing iti RA 9165 wenno ti Comprehensive Dangerous Drugs Act of 2002.
