--Ads--
BAGUIO CITY – Nakemmeg ti tallo nga illegal gamblers iti insayangkat nga anti-illegal gambling operations ti nagtipon a pwersa ti La Trinidad Police ken Crime Investigation and Detection Group (CIDG)-Benguet sadiay Trading Post, Pico, La Trinidad, Benguet idi kalman.
Nabigbig dagiti nasao a suspek a da Seigfred Gumad-ad, 41-anyos, porter, tubo ti Bauko, Mt. Province; ni Jeramil Moreno, 30-anyos, disposer, ken maysa a managan Joan Mangaong, bin-ig a residente iti La Trinidad, Benguet.
Nakumpiskar iti pagsugsugalan dagiti suspek ti baraha, lamisaan ken ti taya dagitoy a dumanon iti P360.
Naala ti fingerprint ken mugshot dagitoy sakbay a naiturongda iti opisina ti CIDG-Benguet.
