--Ads--
BAGUIO CITY – Nakemmeg dagiti tallo nga indibidual iti impatungpal ti PDEA-Cordillera a drug-buy bust operation sadiay Purok 7, Asin Road, Baguio City idi kalman.
Nabigbig dagitoy a da Brian Leonille Valdez Dris, aka, Tisoy wenno Joel, 30-anyos ken sigud a nakemmeg iti kapada a kaso; ni Aaron Paul De Guzman Vergara, aka, Nikko, 26-anyos ken ni Odessa Vidad Guiang, 23-anyos, bin-ig a residente ti siudad ti Baguio.
Nakumpiskar manipud kadagitoy ti uppat a sachet a naglaon iti maatap a shabu, nagduduma a drug paraphernalia, maysa a genuine P1,000 buy-bust money ken sangapulo ket siyam a pidaso ti P1,000 boodle money.
Sumangsango dagitoy iti kaso a panaglabsing iti Comprehensive Dangerous Drugs Act of 2002.
