Napilaanen iti kaskenan a kaso ti suspek a 31-anyos a lalaki a nagtakaw iti gasul ket keypad a cellphone sadiay Balili, La Trinidad, Benguet.
Iti imbestigasyon ti pulisya nabigbig ti suspek a 31-anyos a lalaki, awanan asawa, laborer ken residente sadiay Pinespark, Balili, La Trinidad, Benguet.
Maibasar iti report ti biktima, napansinna a nadadael ti kandado ti boarding house daytoy.
Nagdanag met daytoy rason a dagusna a sinukimat ti uneg ti boarding house-na no sadino ditoy a natakwatanna nga awanen ti gasulna nga agbanor iti P2,800 ken ti keypad a cellphone-na nga agbanor iti P2,000.
Sumagmamano laeng a minutos inatsiganna ti 55-anyos a lalaki nga agtagikua iti balay a pag-ab-abanganna ken ditoy met a naimatangan ti ladawan ti maysa a lalaki a nangserrek iti boarding daytoy.
Nabigbig a dagus ti biktima ti suspek ket dagus daytoy a nagturong iti pulisya tapnu agpa-asistar iti panakatiliw ti suspek.
Ti suspek ket sumango ti kaso a roberry with forced upon things ken naipila metten ti kaso iti prosecutors office kontra iti daytoy.//Bombo Noveh Organo
