BAGUIO CITY – Nakonfine ti 31-anyos a lalaki kalpasan a nakuryente iti pagtatrabahuanna iti siudad ti Baguio idi July 31, 2026.
Nabigbig ti biktima a maysa a construction laborer, tubo sadiay Binmaley Pangasinan ken agdama nga agnanaed sadiay Crystal Cave, Baguio City.
Maibasar iti report ken imbestigasyon ti kapulisan, napasamak ti insidente bayat nga agtatrabaho ti biktma iti construction project ti maikadua a kadsaaran ti pasdek sadiay Lexber Height Subdivision.
Rumrumwar iti imbestigasyon nga aksidente a naisagid ti steel pipe scaffolding nga isimsimpa ti biktima iti live electrical wire.
Naiturong ti biktima iti ospital para iti pannakataming daytoy.
Iti pannakuiman dagiti kapulisan, kinuna ti biktima nga iggemna ti steel pipe ken saanan a malagip ti simmaruno a napasamak.
Impeksa ti biktima, saanna a maigaraw ti imana kalpasan a naaddaan iti puot.
Iti kaudian a report, stable itan ti kasasaad ti biktima. //Bombo Noveh Organo
