--Ads--
Dumanon iti tallo pulo ket maysa nga indibidual ti nadangran bayat a tallo gasut a babbalay ti nadadael gapu iti napasamak a magnitude 5.8 a gingined sadiay San Francisco, Southern Leyte idi Enero 23, 2025.
Daytoy ket sigun iti National Disaster Risk Reduction and Management Council (NDRRMC).
Awan met ti naireport a pimmusay ken mapukpukaw gapu iti insidente.
Kabayatanna, mabalinen a madalyasat ti dua a rangtay iti nasao a probinsya a nadadael gapu iti nasao a gingined.
Kalpasan ti nasao a gingined, napasamak met dagiti nagduduma nga aftershocks.//M
