BAGUIO CITY – Nainget a bambantayan ita ti Philippine Drug Enforcement Agency (PDEA) – Cordillera dagiti 35 nga opisyal ditoy Cordillera Region gapu iti maatap a pakainaigan dagitoy iti iligal a droga.
Sigun kenni PDEA-Cordillera regional director Edgar Afalla, mismo a nagtaud kenni Presidente Rodrigo Duterte ti nasao nga impormasyon.
Kinunana a dagiti 35 nga opisyal ket bukbuklen ti maysa a mayor, walo a punong barangay ken 26 a barangay kagawad.
Dinakamatna nga inreport metten ti PDEA-Cordillera iti Department of the Interior and Local Government ti nasao nga impormasyon.
Nupay kasta, inwaragawag ni Afalla nga agtaltalinaed a confidential ti pakabigbigan dagiti nasao nga opisyal
Innayonna a malaksid kadagiti nasao nga opisyal ket nainget a bambantayanda dagiti 44 a sibilyan ditoy rehiyon a maatap nga addaan pakainaigan iti iligal a droga.
